قصيدة شاااااااب

جاني بآخر الـليـل إتصال جــوال
وانا على شاهي وبسكـوت ديمـة
الرقم بايخ لكـن الــصــوت قــتـال
كنــه مثل صـوت المذيعـة حليمـة

قــالت مساء الخير يـا طيّـب الفـال

قـلـت ارحــبـي تــرحيبـةٍ مستديمـة

بـالـعــود والطيب ودلـة وفنجـال

واجـبـك يا بنت الأصـول الكريمـة

وردت بضحكة ثم قالت وش الحـال؟

قلت اشهد إن الحال عقبك سقيمـة

قالت وهي تضحك بعد مثل الأطفال
وانـــا بـعـــد كــنــي بــدونـك يتيمـة

مـــن يـوم قـالـتهـا تزلزلـت زلـزال
مــن فجعتي كنـي مسـوي جريمـة
قلت ارفعي صوتك ترى مافي ارسال
كـــذاب لــكـنّ المصيبـة عظيمـة

قالت أقول اسمع ترى هرجنـا طـال
مــمكـن تصاحبنـي ترانـي وسيمـة
واسمي الحقيقي أول حروفـه الـدال

لــكـــن يسمّونـي البنـات الزعيمـة
صحيح أحب الفخفخة واعشق المال
لكـن ترانـي طــاهــرة مستقيـمـة
ما عندي امغازل ولا لعب يهّـال

ما عندي إلا في الشرف والحشيمـة

بس الصراحة قلبي لشوفتـك مـال
واصبحت وحدك جالسٍ في صميمه
فكّر بعقلك واترك القيـل والقـال

واحذر تطيع اهل العقـول العقيمـة
وارسل علي الحين خمسميـة ريـال
أشحن بهـا جـوال أختـي غنيمـة
أو طقم غالي فيه خاتـم وسلسـال
أروح بـه فـي عـرس ولاّ عزيمـة

قلت الحقيقة ماني برجـل أعمـال
ولانـي بتاجـر والمـوارد عديـمـة
أنا الصراحة شبـه عطّـال بطّـال
وعلاقتـي بالفــقـــر جـداً حميـمـة
والراتب الله يرحم الحـال مـا زال
محـدود والمصـروف ربـي عليمـه
والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال
والموت والله صايـر اكبـر غنيمـة

قالت تحمّل بـس والحمـل ينشـال
خلك شديد الباس صلـب العزيمـة
ياخي تصرّف جعلك اتصيـر نشّـال
أهـــــم شــي إن النوايـا سليـمـة

لابــد تـفـهمني علـى كـل الأحـوال
ما دمت من أهل العقـول الفهيمـة

قلت إيه والله فاهم اللي على البـال
لــكــن تــرى هـذي علينـا قديمـة
يــا بـنت هـذا صايـر اليـوم مـوال
للي تبي تلعب علـى ابـن اللئيمـة
يا بـنــت ما تدرين كـم فيـه محتـال
يلعب على الحبلين وانتـي غشيمـة

يا بنت كم من جاهلة دمعها سـال
من عقب ما جات العواقب وخيمـة
والبنت لا اقتفى عرضها بيد الأنـذال
والله مــا يــبـقـى لهـا أي قيـمـة

قالت تبي ولاّ فـ خـلّك علـى رجـال
مهوب ناقصـني نصايـح حكيمـة
عز الله إنك للأسف منـت رجّـال
وانك قليل الذوق ما فيـك شيمـة

لعنبو اللي مـا يسطّـرك بنعـال
حــتـى يـعـلمـك الغـزل يـا بهيمـة

قالت تفو عليك وصكّت الخط في الحال

مدري ( تفو ) هي مدح ولاّ شتيمـة

هههههههههههههههههههههه
والله أنه طلع ذكي وعجبني في رده

أتمنى أنها نالت إعجابكم وإستحسانكم

لكم مني أجمل الأمنياات وأرق التحايا

أمير الرومنسية

لعنبو اللي مـا يسطّـرك بنعـال
حــتـى يـعـلمـك الغـزل يـا بهيمـة

رووووووووووووووووووووووعه

والرد قووي وتستحقه البهيمة

يعطيك العافية اخووي

وصح لساانك

لآهنت

عنيده كتب:: رووووووووووووووووووووووعه

والرد قووي وتستحقه البهيمة

يعطيك العافية اخووي

وصح لساانك

لآهنت

صح لساان من قالها ياعنيدة
وبصراحة هيا تستحق كل اللي صاار لها
هاذي من النووع اللي قولت لكي عليه اول تذكرين
من البناات اللي همها بس الفلوس ومايهمها انها تلاقي قلب يحتويها

أسعدني مرورك وتواجدك في صفحتي
دمتي بخير

أمير الرومنسية

لعنبو اللي مـا يسطّـرك بنعـال
حــتـى يـعـلمـك الغـزل يـا بهيمـة

بجد عز الله انه كفوووو عررف يرد عليهااااا

اخووي امير

صح لسااانك ولسااان الشاااعر وتسلم ع هيك ابيااااات جوونااان

لا خلا ولا عدم

.,. مودتي واحترامي.,.

لعنبو اللي مـا يسطّـرك بنعـال
حــتـى يـعـلمـك الغـزل يـا بهيمـة

هذا جزات اي بنت تحب الماااااااااال
عساااااااااااها بعد كذا تاخذلها بي النعال

رد عليها وسكتها

صح لسانه ويسلم طاااارح الموضوع والله لا يحرمنا مزيدك

يسلمو امور فصيدة روعه..

في بنات ما يجون الا بالعين التركواز..(لا حد يضحك هذي خاصه فيني..)..

الله يا خذها طرارة ولا بعد تتشرط..

تقبل تسييري امور..

» قصيدة للبنات المستعجلات على الزواج