هل نحن فعلاا جيـــل فـــاااشل

اشكركم احبائي على أرءكم الرائعه والصريحه وجا دوري اقول رأيي ^_^

انا اللي اشوفه لو قارننا بين حياة اهلنا زماان وحياتنا في فرق كبيييير طبعا


مثاال بسيط:
زمان كان شغل البيت بالنسبه للبنت بحد ذاته انجاااز وهذي البنت ممتازه وناجحه دام تعرف لشغل البيت<< افتكرت موقف سار لي في رمضان لما كنت اساعد ماما في لف السمبوسه وكنت اخبصلها هي قالتلي على زمانهم البنت اللي ما تعرف تلف سمبوسه ما يزوجها عييب ما يسير بعدين ايش تقول ام العريس .. اعطيتونا وحده تقليد


المهم نرجع لموضوعنا ^_^ ..


بالنسبه للولد لو كان رجال البيت ويصرف على اهله ويلبي طلباتهم هوا كده انسان ناجح

هذا الزمن ما يعتمتد على هذي الاشياء يعني تبغى تظفي البيت بكل سهوله وفي دقايق ممكن يتنظف او تجيبي شغاله ولا ننسى المربيات للأطفال والولد لو يبغى يلبي طلبات اهله احسن سواق يبجيبه واذا يبغى يصرف عليهم يقدر بكل سهوله حتى لو كان هوا في بلد واهله في بلد

من هالنقطه اهالينا يشوفونا فاشلين مافي اعتماد على النفس مافي مسؤليه

لكن في امور احنا نشوف نفسنا ناجحين في فيها وهما كانو فاشلين فيها <<مع احترامي الشديد لأهل زماان

اقلها التعليم الان ساروا البنات والاولاد يحصلو على احسن الشهادات ويدخلوا احسن الجامعات واللي يطلع احسن مهندس واللي تطلع مخترعه واللي يطلع رجل اعمال كبير هذا الشي ما كان على زمانهم
على ايام اباءنا واجدادنا كانت شهاده سادس ابتائي كأنها شهاده جامعيه

المسأله كلها عباره عن اختلاف رأي كل مين يشوف نفسه احسن وافضل من غيره

وبس ^_^